Gaur, maiatzak 28, Usurbilgo Sarek antolatuta, euskal preso eta iheslarien eskubideen aldeko azken ostiraleko elkarretaratzea egingo da Mikel Laboa plazan arratsaldeko 20:00etan. Ekimen honetan parte hartu asmo dutenei, maskarak erabili eta segurtasun tartea errespetatzea eskatzen diete deitzaileek.
Jarraitu “Usurbilgo Sarek antolatuta, gaur euskal preso eta iheslarien eskubideen aldeko elkarretaratzea Mikel Laboa plazan” irakurtzen
Pasa den astean Geuretik Sortuak ekimenaren bigarren aurkezpen ekitaldia egin zen Oiartzunen. Hitzordu honek bi helburu izan zituen: batetik, proiektuan parte hartuko duten 26 artistek eta eurak jasoko dituzten udalerrietako ordezkariek elkar ezagutzea, eta bestetik, Egonaldi artistikoen garaiari hasiera sinboliko bat ematea. 2020. urteko abenduan eman zen aditzera Udalbiltzak antolatutako lehen kultur-egitasmoa: Geuretik Sortuak. Proiektu honek euskal kultura Euskal Herriko bazterretara eramatea du helburu, sormen-egonaldien eta bertatik sortzen diren obrekin egingo den hedapen-zirkuitu baten bitartez.
Jarraitu “Martxan da ‘Geuretik Sortuak’ ekimena” irakurtzen
Gaur, maiatzak 27, Usurbilgo Udalak hilabete honetako udalbatzarra egingo du. Arratsaldeko 18:00etan hasiko da udalbatza aretoan. Ohikoa den bezala aretora sartu aurretik eskuak garbituko dira, maskara jantzita sartu beharko da eta distantziak errespetatuko dira.
Jarraitu “Gaur arratsaldean Usurbilgo Udalak hilabete honetako udalbatzarra egingo du” irakurtzen
Maiatzaren 24tik 29ra Gipuzkoako pentsiodunak mugimenduak “Pentsio publiko duinak! Murrizketarik ez!” lemapean, pentsio duinen aldeko bizikleta martxa egingo du. Gipuzkoa zeharkatuko du, gaur (maiatzak 24) Errenteriatik hasiko da, eta sei etapa egin ondoren, maiatzaren 29an (larunbata) Donostiara iritsiko da bertan egingo den manifestazioarekin bat eginez. Gipuzkoako Pentsiodunek herri horietako biztanleei deialdi bikoitza luzatu die, bizikleta martxan nahiz harrera ekitaldietan parte har dezaten.
Jarraitu “Maiatzaren 28an pentsio duinen aldeko bizikleta martxa Usurbilera iritsiko da” irakurtzen
Jexux Artze Kultur Elkarteak antolatuta, ekainaren 5ean (larunbata) “Basabi” eta “Kimu” taldeen kontzertuak eskainiko dira Sutegin, arratsaldeko 19:00etan. Emanaldi hau maiatzaren 15ean izatekoa zen, baina artistetako baten osasun-arazoak tarteko atzeratu egin behar izan zuten antolatzaileek.
Jarraitu “Jexux Artze Kultur Elkarteak antolatuta, ekainaren 5ean “Basabi” eta “Kimu” taldeen kontzertuak Sutegin” irakurtzen
Gipuzkoako Foru Aldundiak jakinarazi du Txikierdi eta Lasarte-Oria arteko bidegorria egiteko obrak esleitu dituela. Bi modutan lotuko ditu bidegorriak Txikierdi eta Lasarte-Oria.
Jarraitu “Gipuzkoako Foru Aldundiak Txikierdi eta Lasarte-Oria arteko bidegorria eraikitzeko obrak esleitu ditu” irakurtzen