Eusko Jaurlaritzak hartutako azken neurriak direla-eta, gaurtik aurrera bertan behera gelditzen da Eskola Kirola eta klub federatuen jarduna

Oiardo Kiroldegia (Arg.: Usurbilgo Udala)

Azaroaren 7tik aurrera indarrean dira Eusko Jaurlaritzak koronabirusa dela-eta hartutako neurriak: etxeratze-agindua 22:00etara aurreratzea, taberna eta jatetxeak ixtea edo maskararen erabilera orokortu eta derrigorrezkoa agindu zituen, besteak beste. Argitaratutako zenbait neurriren zehaztasunak, ordea, gaur bideratu zaizkiei udaletxeei, bereziki kirolaren esparrun dauden neurriak. Hori dela eta, Udalari dagokion alorrean, gaurtik aurrera (azaroak 9), bertan behera gelditzen da Eskola Kirola eta klub federatuen jarduna. Jarraitu “Eusko Jaurlaritzak hartutako azken neurriak direla-eta, gaurtik aurrera bertan behera gelditzen da Eskola Kirola eta klub federatuen jarduna” irakurtzen

[Azken ordukoa] Olatz Lasagabaster eta Patxi Uranga Usurbilera itzuliko dira, espetxetik irteteko eman dieten baimena eskuratu baitute

Duela minutu gutxi jaso dugun berria, Aranjuezko espetxean ziren Olatz Lasagabaster eta Patxi Uranga herritarrei, 3. gradua aplikatu eta Martutenera lekuz aldatuko dituzte (+) gaur bertan. Biei, irteera baimena eman diete eta hasiera batean Euskal Herrira etortzeko oztopoak egon arren (koronabirusa dela-eta), azkenean Usurbilera itzuliko dira eta asteartera arte kalean egoteko aukera izango dute. Azaroaren 10ean (asteartea) ez dute Aranjuezera itzuli beharrik izango; Martuteneko espetxera baizik. Jarraitu “[Azken ordukoa] Olatz Lasagabaster eta Patxi Uranga Usurbilera itzuliko dira, espetxetik irteteko eman dieten baimena eskuratu baitute” irakurtzen

2021eko Seaskako egutegia Udarregi Ikastolako idazkaritzan salgai

Udarregi Ikastolak Iparraldeko ikastolek urtero kaleratzen duten Seaskako egutegia ikastolan bertan salgai dagoela jakinarazi du. Izendegi euskalduna dakarren 2021eko egutegia Ikastolako idazkaritzetan dago eskuragarri, 4€tan. Jasoko den dirua Iparraldeko eta Nafarroako ikastolentzat izango da. Egutegi honen helburua, bikoitza da: batetik, dirua lortzea eta bestetik, euskara bultzatzea. Jarraitu “2021eko Seaskako egutegia Udarregi Ikastolako idazkaritzan salgai” irakurtzen

Gaur 634 errepide nagusia gurutzatzeko erabiltzen den Etxealdiako oinezkoentzako zubia ordu batzuez itxita egongo da

Arg.: Noaua!

Gaur (azaroak 6), goizeko 8:00etatik aurrera 634 errepide nagusia gurutzatzeko erabiltzen den Etxealdiako oinezkoentzako zubia ordu batzuez itxita egongo da, Gipuzkoako Foru Aldundiak udan zehar egindako konponketa lanak guztiz amaitzeko. Usurbilgo Udalaren arabera, arratsalderako irekita egotea espero da. Tren geltokira nahiz Santuene aldera joan edota Santuene aldetik Kaxko alderako bidea oinez egin behar dutenentzat,  joan etorri hauetarako bi bide alternatibo daude: Zumartegi industrialdea eta Bizkarre. Jarraitu “Gaur 634 errepide nagusia gurutzatzeko erabiltzen den Etxealdiako oinezkoentzako zubia ordu batzuez itxita egongo da” irakurtzen

Espainiako Espetxe Instituzioen Idazkaritza Nagusiak Olatz Lasagabaster eta Patxi Uranga Aranjuezko kartzelatik Martutenekora ekarriko dituztela jakinarazi du

Azaroaren 4an jakin genuen Espainiako Espetxe Instituzioen Idazkaritza Nagusiak beste bost preso Euskal Herriratuko edo Euskal Herritik gertu dauden kartzeletara hurbilduko dituela, horien artean Olatz Lasagabaster eta Patxi Uranga herritarrak; Aranjuezeko espetxetik Martutenekora ekarriko dituztela hain zuzen ere. Biei hamabi urteko zigorra ezarri zieten, eta hirugarren gradua eman diete. Ekainaren 23an 11 urte bete dira espetxeratu zituztenetik. Indarrean den espainiar legedia eskutan hartuta, 2018az geroztik kalean behar zuten. Lekuz aldatzeko erabakia Usurbilen Nahi Ditugu bilgunetik jakinarazi da, presoen eta haien senideen eskubideen alde herrian urteak lanean daramatzan bilgunetik. Gogoan izan amen moduluan egon zela Olatz Lasagabaster Valentziako Piccasenteko espetxean, Xua jaio zenetik. Egun, udan jaio zen Maddi txikiarekin ere hala zegoen Aranjuezko espetxean. Jarraitu “Espainiako Espetxe Instituzioen Idazkaritza Nagusiak Olatz Lasagabaster eta Patxi Uranga Aranjuezko kartzelatik Martutenekora ekarriko dituztela jakinarazi du” irakurtzen

Usurbilgo udalbatzak, EH Bilduren botoekin, Martin Villa ‘persona non grata’ izendatu du

Arg.: Usurbil Udala

Usurbilgo Udalean egindako urriko osoko azken bilkuran, Martin Villa ‘persona non grata’ izendatu du Usurbilgo udalbatzak, EH Bilduren botoekin. EAJ eta PSE-EE abstenitu egin dira. Jarraitu “Usurbilgo udalbatzak, EH Bilduren botoekin, Martin Villa ‘persona non grata’ izendatu du” irakurtzen