2021eko Sagardo Eguna etxetik ospatzeko deia egin du Sagardo Egunaren Lagunak taldeak

Maiatzaren 23an egun handia ospatu behar genuen Usurbilen, Sagardo Eguna hain zuzen ere. Baina iaztik bizitzen ari garen pandemiak eraginda, 2021eko Sagardo Eguna ere etxetik ospatzeko deia egin du Sagardo Egunaren Lagunak taldeak. Iaz bezala baserritarrez jantzi, etxeko balkoi, leiho eta atariak apaindu eta txotx egiteko deia egin du Sagardo Egunaren Lagunak taldeak.

Jarraitu “2021eko Sagardo Eguna etxetik ospatzeko deia egin du Sagardo Egunaren Lagunak taldeak” irakurtzen

Maiatzak 2, ezohiko Andatza Eguna

Maiatzaren 2an (igandea), ezohiko Andatza Eguna ospatuko da. Pandemiaren ondorioz, iaz bezala, aurten ere ez da ezer berezirik ospatuko baina Usurbilgo Udalak eta Andatza Eguneko antolatzaileek mendira joatera animatu dituzte herritarrak, segurtasun neurriak errespetatuz. Eguna ezohiko modu batean ospatzeko bi zirkuitu antolatu dituzte, tontorraz harago, Andatzaren beste txoko batzuk ezagutzeko.

Jarraitu “Maiatzak 2, ezohiko Andatza Eguna” irakurtzen

Gaur arratsaldean Usurbilgo Udalak hilabete honetako udalbatzarra egingo du

Gaur, apirilak 29, Usurbilgo Udalak hilabete honetako udalbatzarra egingo du. Arratsaldeko 18:00etan hasiko da udalbatza aretoan. Ohikoa den bezala aretora sartu aurretik eskuak garbituko dira, maskara jantzita sartu beharko da eta distantziak errespetatuko dira.

Jarraitu “Gaur arratsaldean Usurbilgo Udalak hilabete honetako udalbatzarra egingo du” irakurtzen

Anerreka Ingurumen Elkarteak antolatuta, maiatzaren 9an bi martxa Arkaitzerrekara eta maiatzaren 15ean Aranaerrekaren garbiketa

Usurbilgo Anerreka Ingurumen Elkarteak maiatzerako bi ekimen antolatu ditu Zubietako erraustegiaren eremutik Arkaitzerrekara isuritako amoniakoak ehunka arrain hil zituenetik urtea beteko den honetan. 2020ko maiatzaren 9an Zubietako Arkaitzerrekan ehunka aingira eta arrain hilik agertu ziren. Gerora jakin zen, erraustegiko eremutik Arkaitzerrekara isuritako amoniakoak eragin zuela hondamendia.

Jarraitu “Anerreka Ingurumen Elkarteak antolatuta, maiatzaren 9an bi martxa Arkaitzerrekara eta maiatzaren 15ean Aranaerrekaren garbiketa” irakurtzen

Apirilaren 27an Txokoaldeko udal-ekipamenduari buruzko bilera irekia egingo da Erroizpe Elkartearen aurreko plazan

Apirilaren 27an (asteartea) Usurbilgo Udalak Txokoaldeko udal-ekipamenduari buruzko bilera irekia antolatu du. Bertan, orain arte egindako lanen berri emango da eta aurrera begira, antolaketa eta irekieraren nondik norakoak zehaztuko dira. Bilera Erroizpe elkartearen aurreko plazan egingo da arratsaldeko 18:30ean.

Jarraitu “Apirilaren 27an Txokoaldeko udal-ekipamenduari buruzko bilera irekia egingo da Erroizpe Elkartearen aurreko plazan” irakurtzen

Usurbilgo Sarek antolatuta, apirilaren 30ean euskal preso eta iheslarien eskubideen aldeko elkarretaratzea Mikel Laboa plazan

Apirilaren 30ean (ostirala), Usurbilgo Sarek antolatuta, euskal preso eta iheslarien eskubideen aldeko azken ostiraleko elkarretaratzea egingo da Mikel Laboa plazan arratsaldeko 20:00etan. Ekimen honetan parte hartu asmo dutenei, maskarak erabili eta segurtasun tartea errespetatzea eskatzen diete deitzaileek.

Jarraitu “Usurbilgo Sarek antolatuta, apirilaren 30ean euskal preso eta iheslarien eskubideen aldeko elkarretaratzea Mikel Laboa plazan” irakurtzen