Sare eta Etxerat: “Espainiako espetxeek ia hilabete daramate blindatuta eta komunikazio eta lekualdatze guztiak bertan behera utzi dituzte”

Etxerat eta Sareko ordezkariak

Etxerat Elkarteak eta Sarek espetxeetan bizitzen ari den blokeoa eta inkomunikazioa salatu dute. Espainiako espetxeek ia hilabete blindatuta daudela salatu dute eta, komunikazio eta lekualdatze guztiak bertan behera utzi dituztela adierazi dute. Jarraitu “Sare eta Etxerat: “Espainiako espetxeek ia hilabete daramate blindatuta eta komunikazio eta lekualdatze guztiak bertan behera utzi dituzte”” irakurtzen

Hitz Aho Udarregiko guraso elkarteak on-line hitzaldiak antolatu ditu: “Txerto emozionala”

 
Hitz Aho Udarregiko guraso elkarteak, Covid19ak eragindako errealitate berrian, konfiantza, poza, itxaropena eta maitasuna berreskuratzeko gakoei buruzko on-line hitzaldiak antolatu ditu: “Txerto emozionala”. Nola egokitu nahi dugu egunean eguneko errealitatera? Ze jarrerarekin aurre egin nahi diot ziurgabetasun eta ezjakintasun giro honi? Galdera hauei erantzuten saiatuko da Nerea Mendizabal psikopedagoga. Hiru saio izango dira, guraso, hezitzaile, teknikari, irakasle eta interesa duen edonorentzat zuzenduta daude.

Jarraitu “Hitz Aho Udarregiko guraso elkarteak on-line hitzaldiak antolatu ditu: “Txerto emozionala”” irakurtzen

Usurbilgo Kultura Sailak “Aurtengo udako jaiekin, zer?” bilera irekia antolatu du martxoaren 1erako

Usurbilgo Kultura Sailak “Aurtengo udako jaiekin, zer?” bilera irekia antolatu du. Bilera honetan udako festekin zer egingo den erabakitzeko asmoa dago. Martxoan 1ean (astelehena) egingo da, 18:30ean, Udarregiko Erdiko Aretoan. Bileran parte hartu nahi duenak izena eman behar du aldez aurretik usurbilkultura.eus plataforman. Jarraitu “Usurbilgo Kultura Sailak “Aurtengo udako jaiekin, zer?” bilera irekia antolatu du martxoaren 1erako” irakurtzen

Usurbilgo EH Bilduk otsailaren 27an kongresuko ponentzien aurkezpena egingo du

Usurbilgo EH Bilduk otsailaren 27an (larunbata) kongresuko ponentzien aurkezpena egingo duela iragarri du, goizeko 10:30ean. Aurkezpen honetan Maddalen Iriartek (EH Bilduren legebiltzarreko bozeramailea) parte hartuko du. Telematikoki egingo da eta dagoeneko izena eman daiteke lotura honetan: klik Jarraitu “Usurbilgo EH Bilduk otsailaren 27an kongresuko ponentzien aurkezpena egingo du” irakurtzen

Larunbatean Euskal Herrian Euskarazek bere sorrera-printzipioak eguneratuta jaso dituen ‘Ikusmira’ agiria aurkeztu zuen Usurbilen

Arg.: Noaua!

Pasa den larunbatean (otsailak 20) Euskal Herrian Euskarazek prentsaurrekoa eskaini zuen goizean Usurbilen. Mugimenduak garai berrietara egokitzeko ariketa egin duela adierazi du eta bere sorrera-printzipioak eguneratuta jaso dituen Ikusmira agiria aurkeztu du. Euskal Herrian Euskaraz mugimenduaren helburu nagusia berdin mantenduko da, Euskal Herria euskalduna izatea. Agiri honen berritasun nagusia euskaldunok euskaraz bizitzeko eta euskararen normalizazio osoa erdiesteko, Euskal Herrian Euskaraz-ek Euskal Herriaren independentzia argi eta garbi aldarrikatzen duena da. Ez helburu gisa, baizik eta bitarteko gisa beti ere. EHEk independentziaren beharra aldarrikatzen du euskararen lehentasunezko estatusa eraikitzeko, normalizazio osoa erdiesteko beharrezko den hizkuntza politika burujabea bultzatu ahal izateko, eta, horren emaitza gisa, euskaldunok euskaraz normaltasunez bizitzeko. Jarraitu “Larunbatean Euskal Herrian Euskarazek bere sorrera-printzipioak eguneratuta jaso dituen ‘Ikusmira’ agiria aurkeztu zuen Usurbilen” irakurtzen

Usurbilgo Sarek antolatuta, otsailaren 26an euskal preso eta iheslarien eskubideen aldeko elkarretaratzea Mikel Laboa plazan

Otsailaren 26an (ostirala), Usurbilgo Sarek antolatuta, euskal presoen eskubideen aldeko azken ostiraleko elkarretaratzea egingo da Mikel Laboa plazan arratsaldeko 20:00etan. Ekimen honetan parte hartu asmo dutenei, maskarak erabili eta segurtasun tartea errespetatzea eskatzen diete deitzaileek. Orain arte ekimen hau Usurbilen Nahi Ditugu elkarguneak antolatzen zuen baina duela gutxi jakinarazi zuten elkarguneak bere ibilbidea amaitutzat ematen duela eta hemendik aurrera lekukoa Usurbilgo Sarek hartuko duela. Usurbilgo Sare arduratuko da presoen eskubideen aldeko dinamikaz. Jarraitu “Usurbilgo Sarek antolatuta, otsailaren 26an euskal preso eta iheslarien eskubideen aldeko elkarretaratzea Mikel Laboa plazan” irakurtzen