Irailaren 30ean (ostirala), Usurbilgo Sarek antolatuta, euskal presoen eskubideen aldeko azken ostiraleko elkarretaratzea egingo da Mikel Laboa plazan, arratsaldeko 20:00etan.

Jarraitu “Usurbilgo Sarek antolatuta ostiralean euskal presoen eskubideen aldeko elkarretaratzea Mikel Laboa plazan” irakurtzen →

Irailaren 29an (osteguna) osoko ohiko bilkura egingo da Usurbilgo Udaleko udalbatza aretoan, arratsaldeko 18:00tan. Jarraian gai zerrenda:

Jarraitu “Irailaren 29an osoko ohiko bilkura egingo da Udaleko udalbatza aretoan” irakurtzen →

Usurbilgo Euskal Kantu Taldea larunbat honetan (irailak 24) kalera irtengo da. Udako etenaldiaren ostean, kantu zaletuek herriko kaleetan zehar kantuan ibiliko dira. Hitzordua 12:30ean jarri dute, Mikel Laboa plazan eta 14:00ak arte iraungo du. Kaxkoan barrena egingo duten ordu eta erdiko birara herritarrei gonbidapena luzatu diete kantura gerturatzeko.

Jarraitu “Larunbatean Usurbilgo Euskal Kantu Taldea kalera irtengo da kantura” irakurtzen →

Iaz bezala, Udarregi Ikastolak Baso Eskolaren proiektuarekin aurrera jarraitzeko eta bertako eremua prestatzeko deialdia egin die ikastolako gurasoei laguntza eskatuz. Hitzordua jarria dago: irailaren 24an (larunbata), 9:00etan Mahaspildegiko aparkalekuan. Gogoratu Baso Eskola LHko 1. zikloan martxan jarritako proiektua dela, herriko inguruko elementu naturalak ezagutzeaz gain, naturan eta naturaz gozatzeko helburua duena.

Jarraitu “Irailaren 24an Baso Eskolaren proiektuarekin aurrera jarraitzeko hitzordua Mahaspildegiko aparkalekuan” irakurtzen →

Irailaren 21etik abenduaren 22ra arte (hiru hilabete), Gipuzkoako Foru Aldundiak N634 errepidea eta EuskoTren sareko trenbidearen artean dagoen horma indartzeko lanak egingo ditu, Troia eta Txikierdi artean. Tarte horretan, datozen hiru hilabeteotan Usurbil inguruko udalerriekin lotzen duen errepideko errei bat itxita egongo da Troia eta Txikierdi artean, Usurbil aldera etortzeko baliatu daitekeena. Semaforo bidez erregulatuko dute trafikoa. Trafiko handiko tarteetan langileak jarriko dituzte zeregin horretan, beharrezkoa balitz.

Jarraitu “Irailaren 21etik abenduaren 22ra arte Troia eta Txikierdi arteko lanen eraginez N634 errepidean errei bat itxita egogo da” irakurtzen →

Noaua! Kultur Elkarteak antolatuta, ostiralean (irailak 23) Plis, Plas, Txalo ta Jolas ikuskizuna ospatuko da. Ekimen hau ekainean antolatzen da, ikasturteari agur esan eta udako oporrak hartu aurretik. Ekainean ordea, Plis, plas festa ospatu gabe geratu zen eta, orain, irailean egingo da haurrentzako ikuskizuna. Ostiralean beraz, Zirkobira abiatuko da Artzabaletik. 18:30ean hasiko da kalejira eta Mikel Laboa plazan amaituko da: “Ireki begiak! Ongi etorriak zirkuaren mundu ikusgarrira! Hankapaloak, ekilibristak, pailazoak, akrobatak… Lagun itzazue ibilbidean zehar, eta bukaeran, ikuskizun paregabeaz gozatuko duzue”.

Jarraitu “Irailaren 23an Plis, Plas, Txalo ta Jolas ikuskizuna: “Zirkobira”” irakurtzen →