Gregorio Arbeloa margolaria zendu da

Gregorio Arbeloa, herriko akuarelista handia hil da (2021-08-01). Atarrabian (Nafarroa) jaio zen 1941ean, baina Usurbilen bizi izan da urte askotan. Arte grafikoen inguruan hasi zen lehendabizi, eta 1957an Donostiako Arte eta Lanbide Eskolan sartu zen. Ascensio Martiarena, Vicente Cobreros eta Jesús Gallego maisuen irakaspenak jaso zituen, eta garai hartan giza irudian ikatz-anatomia marraztu eta aztertu zuen. Ondoren, 1961ean, Gipuzkoako Arte Elkartean aritu zen eta bertan zuzenean pertsona biluziak marrazten hasi zen. Bere lehen bakarkako erakusketa Donostian aurkeztu zuen 1975ean.

Jarraitu “Gregorio Arbeloa margolaria zendu da” irakurtzen

Abuztuaren 7an San Estebanen egun berezia ospatuko da

Gaur, abuztuak 3, San Esteban eguna da. Gaur ez da ezer ospatuko San Estebango plazan baina bai abuztuaren 7an (larunbata). Covid-19aren eraginez, ezohikoa izango den eguna antolatu du San Estebango Jai Batzordeak. Egunean zehar izango da zer gozatuaz, beti ere behar diren neurriak hartuta.

Jarraitu “Abuztuaren 7an San Estebanen egun berezia ospatuko da” irakurtzen

Euskal preso eta iheslarien eskubideen aldeko elkarretaratzen parte hartzeko deia: uztailaren 30ean Mikel Laboa plazan eta abuztuaren 1ean Orioko hondartzan

Uztailaren 30ean (ostirala), Usurbilgo Sarek antolatuta, euskal preso eta iheslarien eskubideen aldeko azken ostiraleko elkarretaratzea egingo da Mikel Laboa plazan arratsaldeko 20:00etan. Ekimen honetan parte hartu asmo dutenei, maskarak erabili eta segurtasun tartea errespetatzea eskatzen diete deitzaileek. Abuztuaren 1ean berriz, Etxerat Elkarteak antolatuta, Euskal Herriko hondartzetan “Salbuespen politikari stop!” lemapean, elkarretaratzeak egingo dira. Etxeratek Orioko hondartzara joateko deia luzatu die herritarrei: Orion, autopista azpian, 12:00etan.

Jarraitu “Euskal preso eta iheslarien eskubideen aldeko elkarretaratzen parte hartzeko deia: uztailaren 30ean Mikel Laboa plazan eta abuztuaren 1ean Orioko hondartzan” irakurtzen

Larunbatean bi zine emanaldi Santueneako eskubaloi zelaian: “Bihurri” eta “Figuras ocultas”

Santuenea Elkarteak larunbaterako (uztailak 17) bi zine emanaldi antolatu ditu: “Bihurri” eta “Figuras ocultas”. Filmeak ikustera joateko aurrez izena eman behar zen (azken eguna uztaila 15) baina aukera egon daiteke egunean bertan bertara agertuz eta antolatzaileei lekuren bat libre geratu den galdetuz. Bi filmak Santueneako eskubaloi zelaian eskainiko dira.

Jarraitu “Larunbatean bi zine emanaldi Santueneako eskubaloi zelaian: “Bihurri” eta “Figuras ocultas”” irakurtzen

“Sagardoak Elkartzen Gaitu” egitasmoaren baitan, larunbatean Eneritz Furyaken kontzertua Zubietako Astiazaran sagardotegian

Bertsozale Elkarteak, Musika Bulegoak eta Sagardogileen Elkarteak antolatuta, larunbat honetan (uztailak 17) musika eta sagardotegia lotzen dituen “Sagardoak Elkartzen Gaitu” egitasmoa antolatu dute. Larunbatean Eneritz Furyaken kontzertua eskainiko da, Zubietako Astiazaran sagardotegiko terrazan, 19:00etan.

Jarraitu ““Sagardoak Elkartzen Gaitu” egitasmoaren baitan, larunbatean Eneritz Furyaken kontzertua Zubietako Astiazaran sagardotegian” irakurtzen

Ostiralean, “Mikra” kaleko zirku garaikideko pieza Zubietako errebote plazan

Zubieta Lantzen Elkarteak antolatuta, uztailaren 16an (ostirala), “Mikra” kaleko zirku garaikideko pieza eskainiko da Zubietako errebote plazan, 19:00etan. Ikustera joateko aurrez izena eman behar zen (azken eguna uztaila 13) baina aukera egon daiteke egunean bertan bertara agertuz eta antolatzaileei lekuren bat libre geratu den galdetuz. Ikuskizuna doakoa da eta edukiera 150ekoa.

Jarraitu “Ostiralean, “Mikra” kaleko zirku garaikideko pieza Zubietako errebote plazan” irakurtzen