Usurbilgo Kzguneak Covid ziurtagiria eskuratzeko laguntza eskainiko die herritarrei. Aste honetan, bi egunez emango dute aukera, eta eguberrietarko oporraldiaren ondoren, urtarrilaren arratsaldez irekiko duten Kztagunea; arratsaldero emango dute ziurtagiria eskuratzeko laguntza.

Jarraitu “Usurbilgo Kzguneak Covid ziurtagiria eskuratzeko laguntza eskainiko die herritarrei” irakurtzen →

Santueneako Kultur Elkarteak antolatuta, abenduaren 11n (larunbata) gabonetako azoka txikia eta bazar solidarioa egingo da. Santueneako jubilatuen lokala eta auzo elkarteko lokalaren aurrealdeko kalean zehar postuak jarriko dira arratsaldeko 16:00etatik aurrera.

Jarraitu “Abenduaren 11n gabonetako azoka txikia eta bazar solidarioa Santuenean” irakurtzen →

Noaua! Kultur Elkarteak eta Usurbilgo Alkartasuna Kooperatibak antolatuta, abenduaren 19an (igandea), San Tomaseko azoka ospatuko da herriko frontoian. Egunean bertan, azokara gerturatzen diren guztiek sagardoa dastatu ahal izango dute, txistorra eta taloaz lagunduta. Noaua!ko 25. urteurrenaren baitan, aurten bazkide egin diren kide berrien artean 150€ko erosketa bonoaren zozketa egingo dugu.

Jarraitu “Noaua! Kultur Elkarteak eta Alkartasuna Kooperatibak antolatuta, abenduaren 19an San Tomaseko azoka ospatuko da herriko frontoian” irakurtzen →

Usurbilgo Udalak turismo eredu propioa aztertzeko lanketa bat burutu du eta lan hori egiteko Jon Maia bertsolariaren laguntza izan du. Prozezua amaitu da eta beraz, abenduaren 11n (larunbata) aurkeztuko dute publikoki, Sutegin, 12:00etan: “Beste mundu bat posible da: turismo eredu berri bat”. Bertara jaoteko aurrez izena eman behar da usurbilkultura.eus webgunean.

Jarraitu “Abenduaren 11n herri aurkezpena: “Beste mundu bat posible da: turismo eredu berri bat”” irakurtzen →

Usurbilgo Udalak gaurtik aurrera ekipamendu publikoetako edukiera %60ra murriztea erabaki du, prebentzio neurri gisa, espazio itxietan bil daitekeen jendearen arteko distantzia bermatu ahal izateko. Azken egunetan goranzko joera hartu du Covid19ak Usurbilen, eta, aurreikuspenen arabera, hurrengo egunetan datuek ildo beretik jarraituko dutenez, aipatutako murrizketa hamabost egunerako izango da. Epe hori amaitzean, momentuko egoeraren arabera erabakiko da neurri horrekin jarraitu edo ez.

Jarraitu “Usurbilgo Udalak gaurtik aurrera ekipamendu publikoetako edukiera %60ra murriztea erabaki du prebentzio neurri gisa” irakurtzen →

Azaroaren 20an EH Bilduk “Lortu arte!” manifestazioa egingo du Bilbon. Arratsaldeko 17:30ean La Casillatik hasiko da eta udaletxean amaituko da. Usurbilgo EH Bilduk autobusa antolatu du. Oiardo kiroldegitik aterako 15:00etan eta izen-ematea honako tabernetan egin daiteke: Bordatxo, Txirrista, Aitzaga eta Txiriboga tabernetan.

Jarraitu “Usurbilgo EH Bilduk azaroaren 20an Bilbon egingo den ‘Lortu arte!’ manifestaziora joateko deia egin du” irakurtzen →