Abuztuaren 26, 27 eta 28an Atxegaldeko jaiak ospatuko dira

Abuztuaren 26, 27 eta 28an Atxegaldeko jaiak ospatuko dira. Urtero bezala Atxegaldeko Jai Batzordeak gogoz eta ilusioz prestatu du egitaraua. Ez dira faltako jaien hasierako kalejira, txupinazoa, kontzertuak, umeentzako jolasak, txokolatada, afari musikatua, toka txapelketa, mus txapelketa, buruhandiak,…

Jarraitu “Abuztuaren 26, 27 eta 28an Atxegaldeko jaiak ospatuko dira” irakurtzen

Santuenea eta Txokoalde arteko bidea erabat itxita egongo da abuztuaren 12ra arte

Uztailaren 26tik Santuenea eta Txokoalde arteko bidea erabat itxita dago Ura Agentzia eta Añarbe Mankomunitatea egiten ari diren Aginagako saneamenduko obrak direla eta. Bidea abuztuaren 12ra arte egongo da itxita. Bertako bizilagunek eta baratza dutenek soilik dute pasatzeko aukera. Abuztuaren 12tik aurerra ordea, partzialki egongo da itxita, astelehenetik ostiralera.

Jarraitu “Santuenea eta Txokoalde arteko bidea erabat itxita egongo da abuztuaren 12ra arte” irakurtzen

Arkaitzerrekan kloruroetan, amonioan, konduktibitatean eta DQOn ezohiko maila altuak aurkitu dira

Bi aste pasa dira Zubietako erraustegi azpitik pasatzen den Arkaitzerreka kutsatuta agertu zenetik eta oraindik ez dute inolako informaziorik eman Gipuzkoako Hondakinen Kontsortzioak (GHK), Gipuzkoako Foru Aldundiak, Eusko Jaurlaritzak edota Ura agentziak. Errausketaren Aurkako Mugimenduak eta Usurbilgo Udalak ur-laginak hartu eta laborategi batera eraman zituzten. Orain, ur kutsatuaren analisien emaitzak jakin dira egunotan. Kloruroetan, amonioan, konduktibitatean eta DQOn (Oxigenoaren Eskaera Kimikoa) ezohiko maila altuak aurkitu dira. Bai udala eta bai EAM, oso kezkatuta agertu dira emaitzekin, gertaera oso larria dela adierazi dute. Usurbilgo Udalak Jakinarazi duenez, eskumenak dituzten beste erakundeei helaraziko dizkiete bildutako datuak, besteak beste, GHK eta Ura agentziari, baita Gipuzkoako Aldundiko Ingurumen Sailari ere.

Jarraitu “Arkaitzerrekan kloruroetan, amonioan, konduktibitatean eta DQOn ezohiko maila altuak aurkitu dira” irakurtzen

Uztailaren 30ean eta abuztuaren 24an bide mozketak izango dira N634 errepidean

Uztailaren 30ean eta abuztuaren 24an bide mozketak izango dira N634 errepidean. Egun horietan bi txirrindularitza proba ospatuko dira eta biak Usurbildik pasako dira: Donostiako Klasikoa eta Itzulia txirrindularitza probak.

Jarraitu “Uztailaren 30ean eta abuztuaren 24an bide mozketak izango dira N634 errepidean” irakurtzen

Urdaiagako San Esteban jaiak abuztuaren 3, 5 eta 6an ospatuko dira

Zubietako jaien ondoren Urdaiagako San Esteban jaiak abuztuaren 3, 5 eta 6an ospatuko dira. Dagoeneko egitaraua finkatu dute San Esteban Jai Batzordeko lagunek. Jai giroa ez da faltako eta herritar guztiak bertara joateko gonbidapena luzatu dute.

Jarraitu “Urdaiagako San Esteban jaiak abuztuaren 3, 5 eta 6an ospatuko dira” irakurtzen

“Olano jauna: zer gertatzen ari da erraustegian?”

Pasa den larunbatean, Erraustegiaren Aurkako Mugimenduak Arkaitzerrekako kutsadura salatzeko urgentziazko elkarretaratzea antolatu zuen Zubietako plazan. Zubietako erraustegi azpitik igarotzen den Arkaitzerreka kutsatua jarraitu zuen laugarren egunez, eta larunbatera arte ere ez zen argibiderik ezta eskuhartzerik izan erreka honetan. Gogoan izan Arkaitzerreka gainean dagoen gauza bakarra Gipuzkoako erraustegia dela, eta erantzukizun bila aritzean, begirada guztiak, ezinbestez, erraustegian tinkatzen direla, Gipuzkoako Hondakin Kontsortzioak isurketa egin izana ukatu duen arren. Izan ere, ez da Erraustegitik Arkaitzerreka kutsatzen duen aurreneko aldia, ezta ukatzen duena ere. Beroari aurre eginez, herritar ugari gerturatu ziren Zubietako plazara. Bertan Errausketaren Aurkako Mugimenduak adierazpen bat irakurri eta bertaratu zirenekin argazkia atera zuten.

Jarraitu ““Olano jauna: zer gertatzen ari da erraustegian?”” irakurtzen