Usurbilgo Udalak Emakumeen Etxea ireki aurreko antolaketa lanak egiten hasteko bilera egingo du azaroaren 3an (asteazkena). Bilera Artzabalen egingo da, 18:00etan.
Iazko udazkenean Elhuyarrekin bideraturiko parte-hartze prozesuan adostutakoa gauzatzen hasiko dira hemendik aurrerako saioetan: Emakumeen Etxea zein Kalezarko udal-ekipamendua sortzeko parte-hartze prozesua. 2021eko martxoan aurkeztu zituzten emaitzak, publikoki.