Euskal preso eta iheslarien eskubideen aldeko elkarretaratzen parte hartzeko deia: uztailaren 30ean Mikel Laboa plazan eta abuztuaren 1ean Orioko hondartzan

Uztailaren 30ean (ostirala), Usurbilgo Sarek antolatuta, euskal preso eta iheslarien eskubideen aldeko azken ostiraleko elkarretaratzea egingo da Mikel Laboa plazan arratsaldeko 20:00etan. Ekimen honetan parte hartu asmo dutenei, maskarak erabili eta segurtasun tartea errespetatzea eskatzen diete deitzaileek. Abuztuaren 1ean berriz, Etxerat Elkarteak antolatuta, Euskal Herriko hondartzetan “Salbuespen politikari stop!” lemapean, elkarretaratzeak egingo dira. Etxeratek Orioko hondartzara joateko deia luzatu die herritarrei: Orion, autopista azpian, 12:00etan.

Sare mugimenduak “Ibilian-Ibilian etxerako bidean” udako kanpainarekin jarraitzen du: “Egutegi oparoa prestatu dugu. Izan ere, bizi dugun une garrantzitsu honetan, hasitako bidea muturreraino eramateko, hau da, salbuespenezko espetxe politikarekin amaitu eta bizikidetzan aurrera egiteko, herritarren bultzada ezinbestekoa dela uste dugu, honaino iritsi bagara, horri esker izan baita. Horregatik, urratsak egiten jarraitzeko, bidea egiten jarraitzeko Euskal Herritarrak ibilian jarri nahi ditugu, “Ibilian-Ibilian, etxerako bidean” lelopean herrialdez herrialde antolatuko ditugun martxa eta erronken bitartez. Mugimenduan den herria izan nahi dugu. Mugimenduan hain beharrezko dugun eta abiatu berri den aldaketa benetakoa izan dadin.”.

  • Maiatzetik abuztuaren 21a bitarte, Gipuzkoak eskualdez eskualde ekimen eta mobilizazio maratoia abiatuko du, bi astean behin eskualde bati egokituz eta hurrengoari testigua pasaz. Amaiera abuztuaren 21ean emango diote, Donostiara egingo den martxa eta herrialde mailako mobilizazioarekin, eskualde guztiak bertan batuz.
  • Uztailean, azken urteetan egin izan dugun moduan, Hego Euskal Herriko lau lurraldeak igaroko dituen bizikleta itzulia antolatu dugu, uztailaren 22, 23 eta 24ean.
  • Uztaila eta abuztuan, hiriburuetan aldarri konkretuak barnebilduko dituzten manifestazioak egingo ditugu, uztailaren 3an Iruñean hasiz. (abuztuaren 3an Gasteizen, abuztuaren 21ean Donostian, abuztuaren 27an Bilbon.
  • Irailean, gipuzkoarrei testigua hartuaz, Bizkaia, Araba eta Nafarroako dinamiken txanda izango da. Bizkaitarrak hasiko dira abuztua amaieran. Nafarrak gau eta egun iraungo duen martxa ibiltaria egingo dute irailaren 29tik urriaren 2ra eta ostean Arabarrek emango diote amaiera.
  • Urriaren 23an mobilizazio orokor batekin emango diogu amaiera “Ibilian-Ibilian etxerako bidean” kanpainari Donostian.

Bizikleta martxa

Ibilian ibilian, etxerako bidean” udako kanpainaren baitan, bizikleta martxa batek Euskal Herriko hamaika txoko zeharkatu ditu pasa den astean. Larunbatean (uztailak 24) azken etapak Usurbil zeharkatu zuen. Goizeko 10:30en bueltan iritsi ziren txirrindulariak N-634 errepidetik, Aginaga aldetik. Euskal presoak etxeratzearen aldeko oihu artean zeharkatu zuten Atxegalde ingurua. Hego Euskal Herritik ibilitako bizikleta martxa Donostian amaitu zen.

Arg.: Noaua!

DATOZEN MOBILIZAZIOAK

  • Uztailak 30, ostirala: 20:00 Euskal presoen eskubideen aldeko mobilizazioa Mikel Laboa plazan.
  • Abuztuak 1, igandea: 12:00 “Salbuespen politikari stop!” elkarretaratzeak hondartzetan. Usurbildik gertuen Orion, autopista azpian.
  • Abuztuak 27, ostirala: 20:00 Euskal presoen eskubideen aldeko mobilizazioa Mikel Laboa plazan.

Sare

“Urratsak ematen jarraitzeko asmoa dugu. Ibilian, ibilian bidea egiten jarraitzekoa. Eta horretara animatu nahi zaituztegu Euskal Herri osoko herritarrak. Izan gaitezen aldaketa honen bultzatzaile. Izan gaitezen ibiltari etxerako bidean. Izan Bidea abestiak dioen moduan: Ibilian-ibilian, dabilen bidea (gara), etor zaitez gurekin, (eta) izan (zaitez zu ere) bidea”.

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.