Maiatzaren 1ean (larunbata) Langileen Nazioarteko Eguna ospatzen da. Buruntzaldeko Ernai gazte antolakundeak eta LAB sindikatuak mobilizazioa deitu dute maiatzaren lehenean Hernanin “Dena dugu irabazteko. Gora langileon borroka!” lemapean. Usurbilen Hernaniko manifestaziora kotxez joateko hitzordua finkatu dute goizeko 11:30ean Oiardo Kiroldegian.
Hernanin bi hitzordu
- 11:30 Usurbildik Hernanira kotxez abiatzeko hitzordua Oiardo Kiroldegian.
- 12:15 Gazte blokea Hernaniko Atsegindegitik.
- 12:30 Manifestazioa Hernaniko Gudarien enparantzatik.
Panpin bat odoleztatua eta zubitik zintzilik
Azken aste honetan, Etxealdiko zubian, pertsona itxura duen panpin bat odoleztatua zubitik zintzilik ikusteko aukera izan dugu. Honen ondoan pankarta bat: “2021ean erahildako langileak: 18. Prekarietatea hiltzailea! Antolatu eta kaleak hartu!”. Izan ere, apirilak 28an Lan osasunaren Nazioarteko eguna izan zen eta egun horretan datu hauek kaleratu zituzten:
- 2020an 75 + 1 langile hilak.
- 2021ean 18 lagile hilak jada
Usurbil Eginez 