Usurbil eremu gorrian jarri da, hiru eguneko tartean 553,97ko intzidentzia izatera pasa da

 
Osasun Sailak ostiralean argitaratuko datuekin, Usurbil eremu laranjan zegoen, 100.000 biztanleko 14 eguneko 427,35eko intzidentzia metatuarekin. Gaur Osasun Sailak argitaratutako azken datuekin Usurbil eremu gorrian jarri da, alerta maila gorenean. Hiru eguneko tartean, 553,97ko intzidentzia izatera pasa da Usurbil. Asteburuan 10 koronabirus kasu berri antzeman dira; 4 ostiralean, eta hiruna larunbat eta igandean. Pasa den aste osoko datuak aintzakotzat hartuta, 23 kasu guztira. Duela astebeteko intzidentzia tasarekin alderatuta, 2,33 puntu egin du gorantz. 

Semaforoa

Semaforoaren metodoaren arabera, 5.000 biztanletik gorako udalerrietan, 14 eguneko intzidentzia tasaren arabera egiten dira neurketak:
  • Berdez: 60 kasu baino gutxiago.
  • Horiz: 60-299 kasu artean.
  • Laranjaz: 300-499 kasu artean.
  • Gorriz: 500 kasu baino gehiago.

Buruntzaldea osoa gorriz

Buruntzaldea osoa gorriz dago. Andoain, Astigarraga, Hernani eta Urnieta eremu gorrian ziren pasa den asteotan, eta Lasarte-Oria eta Usurbil eremu laranjan. Asteburuaren ondoren, bi udalerri hauek ere 500 kasuko intzidentzia gainditu eta eremu gorrira pasa dira.

  • Andoain: 669,12 (duela astebetekoarekin alderatuta: 1,35. Azken 7 egunetan 45 kasu). 
  • Astigarraga: 1.100,32 (duela astebetekoarekin alderatuta: 1,58. Azken 7 egunetan 41 kasu). 
  • Hernani: 944,39 (duela astebetekoarekin alderatuta: 1,91. Azken 7 egunetan 122 kasu). 
  • Lasarte-Oria: 531,21 (duela astebetekoarekin alderatuta: 1,30. Azken 7 egunetan 56 kasu). 
  • Urnieta: 2294,02 (duela astebetekoarekin alderatuta: 3,09. Azken 7 egunetan 107 kasu). 
  • Usurbil: 553,97 (duela astebetekoarekin alderatuta: 2,33. Azken 7 egunetan 23 kasu). 

Gipuzkoak alerta maila gorrian segitzen du

Gipuzkoak alerta maila gorrian segitzen du, 739,41eko tasarekin. Gaur emandako datuen arabera, 30 udalerri eremu gorrian daude, 2 laranjan eta 2 maila horian.

Agurtzane Solaberrieta, Usurbilgo Alkatea

Aurreikusten genuen bezala, Usurbil eremu gorri izatera pasatu da, 100.000 biztanleko 500 kasu baino gehiago izan ditugulako azken hamalau egunetan. Mezu honen bidez argibideak eman nahi ditut, herriko ostalari, establezimendu eta abarrek udalera deika ari direlako, egoera argitu nahian: epidemiologikoki eremu gorrian izateak ez du esan nahi automatikoki eremu gorriko herriei ezarri zaizkien neurriak indarrean ditugunik. Hori hala izateko, Jaurlaritzak dekretua atera beharko luke neurriok indarrean ditugula adieraziz, eta artean ez dago halakorik. Gainera, orain da biltzekoa Jaurlaritzan LABIa eta arratsaldean bestelako neurri batzuk hartuko dituztela eta bestelako neurri batzuk sartuko direla indarrean espero da, atzo Espainiako Gobernuak onartutako alarma-egoerarekin bat. Esperoan gaude, beraz. Edonola ere, egoera kezkagarria da, aste eta hilabete gogorrak ditugu aurretik, eta, inoiz baino gehiago, arduraz jokatzeko garaiak dira. Horregatik, asteazkenean herriko sektore, eragile eta taldeekin biltzekoak gara, egoeraz egiten dugun hausnarketa konpartitu eta egoerari herri gisa erantzun ahal izateko. Egin ezin daitekeen horretan indarra jarri baino, elkarrekin eta elkarlanean, egin daitekeen horretaz hausnartzeko. Horixe baita, gure ustez, txertorik eraginkorrena, aurrera egiteko. Zaindu, Usurbil!

Informazio gehiago

 

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.