Anerreka Ingurumen Elkarteak Ucin-en ke isuriak tarteko, herritarren salaketak Usurbilgo Udalaren esku jarri ditu

Ucin

Usurbilgo Anerreka Ingurumen Elkarteak Osinalde industriagunean dagoen Ucin lantegiko teilatutik tratatu gabeko emisioak zabaltzen jarraitzen dituela-eta, salaketa ofizialki jarri du. Salaketa bat gehiago dira eta hauek Udalaren esku jarri dituzte. Teilatuaren itxierarekin batera, lantegiaren jarduera lizentzia eguneratzea eta eguneraketa horretan Europak gai honetan duen araudia txertatzea eskatzen die Anerrekak Udalari eta Eusko Jaurlaritzari: “Usurbilen urteak daramatzagu Ucinek atmosferara isurtzen duen ke kutsatuaren ondorio larriak jasaten. 2004ean jaso zituen Udalak herritarren lehen kexak. Geroztik, hamasei urte luze pasatu dira, eta herritarrek aurkeztutako kexa kopurua izugarria izan da”.

2020-06-17 / 07:30

Anerreka Ingurumen Elkarteak azken hiru urteetan Ucineko teilatutik tratamendurik gabeko emisioak ateratzen ez direla berma dezatela eskatzen aritu ostean, ekainaren 1ean Ucin-ek teilatutik isuritako ke eta kiratsaren aurrean, herritarrek aurkeztutako 20 salaketa helarazi dizkio Usurbilgo Udalari: “Salaketan, Usurbilgo Udalari, eskudun den aldetik, ofizioz UCIN S.A. enpresari dagokion zehapen-espedientea has dezala eskatzen zaio”.

salaketa kanpaina

Isurketak errepikatzen jarraitu dute, azken salaketa ekainaren 19an izan zen, eta beraz, Anerreka Ingurumen Elkartea bigarren salaketa-txanda hasi da egiten. Herritarrak salaketa kanpaina honekin bat egitera animatzen dituzte, anerrekaelkartea@gmail.com helbidera idatzita.

Teilatuaren itxiera eta 

Anerreka Ingurumen Elkarteak beharrezko ikusten du arazo hau konpontzeko, Ucin lantegiak teilatua ixtea eta baita ere lantegiari emandako Sailkatutako Jardueraren Lizentzia eguneratzea. Eguneraketa horretan, 2020ko ekainaren 13tik Europa mailan indarrean dauden emisio baloreak eta isurien etengabeko jarraipenen baldintzak txertatzea eskatzen du. Horretarako, Usurbilgo Udalari eta Eusko Jaurlaritzari alegazioak aurkeztu dizkiete haien eskumenak erabil ditzaten: “Aldez aurretik bitan salaketa formala aurkeztu dugu. Udalak, 2018ko uztailean UCIN S.A. enpresari emandako obra baimenean estalki berriak itxiak izango zirela ezarri arren, baldintza hau ez delako bete”.

Informazio gehiago

This slideshow requires JavaScript.

3 thoughts on “Anerreka Ingurumen Elkarteak Ucin-en ke isuriak tarteko, herritarren salaketak Usurbilgo Udalaren esku jarri ditu

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.