Apiralaren 26tik aurrera umeek kalera irteteko aukera dute, baina zenbait baldintza betez. Espainiako Gobernua irizpideen arabera, egunean behin irten ahal izango dira kalera haurrak, kilometro baten bueltan eta ordubetez, 09:00etatik 21:00etara aritu ahal izango dira. Betiere, heldu batek lagunduta. Gainera, etxetik jolasak eraman ahal izango dituzte kalera. Hala ere, ezin izango dituzte jolas-parkeak erabili, besteak beste itxita daudelako. Bestalde, sukarra edo sintomarik duten haurrak, ezin dira kalera irten.
Kalera ateratzeko gomendioak
- Elkarrekin bizi diren hiru haur ere irten ahal izango dira kalera, heldu batek lagunduta.
- Denbora-mugak: Ibilaldiak ordubete iraungo du; 09:00etatik 21:00etara bitartean egin daiteke.
- Ibilaldia etxebizitzarekiko kilometro bateko erradioan egingo da, gehienez ere.
- Jostailuak atera daitezke, baina parkeak ezin dira erabili.
- Neurri hauek 14 urtetik beherakoei aplikatzen zaie.
- Landa-eremuetan, zelaira irten ahal izango dira, beste pertsonekiko distantzia errespetatuz.
- Auzo-komunitateetan, komunitate bakoitzak bere arauak ezarri behar ditu eremu komunak erabiltzeko.
- Ezin izango dira atera Covid-19 sintomekin edo berrogeialdian badaude.
- Ezin izango dite jostailurik edo isntalaziorik partekatu.
- Maskarak erabiltzea ez da nahitaezkoa.
Gaindegiaren mapa interaktiboa
Gaindegiak mapa interaktibo bat prestatu du, norberaren bizilekutik noraino irteteko aukera dagoen zehatz-mehatz ikusteko. Mapan herria aukeratu behar da aurrena, eta norbere etxean klik eginda, handik haurrekin noraino joan daitekeen eremua zehazten du mapak.
Bizitokitik kilometro bateko eremua bistaratzeko mapa interaktiboa
Usurbil Eginez 