Usurbilgo Odol Emaileen Elkarteak antolatuta martxoaren 2an odol ematea anbulategian

OdolEmaileak

Usurbilgo Odol Emaileen Elkarteak odola emateko 2020ko bigarren hitzordua martxoaren 2an (astelehena) egingo du. Odol ematea bi hilean beguan izaten da eta ohi bezala, 18:00-20:30 artean egingo da, Usurbilgo anbulategian.

Odol emateek behera, emaile kopurua mantendu

Usurbilgo Odol Emaileen Elkarteak emandako datuen arabera, odol emate kopuruak behera egin zuen 2019an. 2018 eta 2019ko odol-emaile kopurua bere horretan mantendu zen 143 emailerekin. Bildu den odol kopurua berriz, txikiagoa izan zen, 251 emanaldi zenbatu ziren 2018an eta 227 emanaldi 2019an; 24 emanaldi gutxiago.

Usurilgo Odol Emaileen Elkartea: “Batzuek behin baino ez dute eman odola, beste batzuek bitan eta beste hainbatek hirutan. 2019ko inauterietan nabarmen egin zuen behera odol emateak. Data horiek ez dira onenak izaten odol-emaileentzat, ez eta udaren osteko lehen odol emate hori ere. Odola eman ahal izateko baldintza batzuk bete behar izaten dira, eta oporraldian atzerrian izandakoak arriskuan egon izana oso posible izaten da. Adinari dagokionez, 18 eta 70 urte bitarteko jendeak eman dezake odola, osasun egoera egokian badaude. Urte askotan odola eman dutenei jada ez diete gehiago odola ematen uzten adina dela eta”.

Gomendioak

Odol ematearen egunean eta hurrengoan kirolik ez egitea aholkatzen dute gorputza gehiegi ez behartzeko. Gainontzean bizimodu normala egiteko ez du inolako arazorik sortzen. Hori bai, odola eman aurretik ongi gosalduta joan behar da zorabioak ekiditeko. Sei emaile berri izan dira 2019an, adinez gazteak.

Kezka

Kezka agertu dute Odol Emaileen Elkartean jende gaztea odola ematera animatzeko, bai eta antolatzeko lanetan aritzeko.

Ohiko odol emanaldia

Odola emateko bete behar diren baldintza mediko eta legezkoak bete ondoren, odola ematea oso gauza erraza da, ez du minik ematen, eta 10 minutu eskas behar dira hori egiteko.

  • Emanaldi bakoitzean 450 cc odol ateratzen da gutxi gorabehera.
  • Pertsona batek urtean gehienez zenbat aldiz eman dezake odola?
    Gizonek 4 aldiz
    – Emakumeek 3 aldiz
  • Odola ateratzeko tresna guztiak behin bakarrik erabiltzen dira, horregatik inork ezin du inolako gaixotasunik harrapatu odola emategatik.
  • Besoa tolestatzeko aldean dauden zainetako batetik ateratzen da odola.
  • Odola eman ondoren emaileari mokadutxo bat eskaintzen zaio.
  • Odola emateko zentrotik ateratzen denerako organismoa ondo dago.

Gutxieneko baldintzak

18 eta 70 urte artean izatea, 50 kilo baino gehiago pisatzea, osasunaz ondo egotea eta eta gure odolaren bitartez kutsatu daitekeen gaixotasunaren bat hartzeko bidea izan litekeen arrisku praktikarik egin ez izana.

Nahi izanez gero, informazio gehiago jaitsi dezakezu PDF hauen bidez:

Informazio gehiago

 

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.