Herriko ikastetxeetan hasi dira dagoeneko inauteri jaien antolakutza lanetan: mozorroak prestatzen, dantza entseguak,… Otsailaren 21ean (ostirala) Aginagako eta Zubietako eskola txikietan eta Udarregi Ikastolan inauteri jaiak ospatuko dituzte.
Aginagako Eskola
- 15:00 Txaranga osatu eta kalejira egingo dute Aginagan barrena. Geldialdietan, dantza eta kantu saioak.
Zubietako Eskola
- 15:30 Zubietako Eskolakoen inauterietako kalejira. Ibilbidea: Eskola, Alamandegi, Barazar eta plaza eguraldi onarekin. Euria bada, frontoian.
Udarregi Ikastola
- 10:15 HHkoen festa Usurbilgo frontoian. Giro euritsua bada, Oiardo Kiroldegian.
- 11:00 LHko ikasleen desfilea herrian barrena. Bi ibilbide osatuko dituzte:
- Udarregi Ikastola, Atxegalde, Usurbilgo Udala, Kale Nagusia, Errekatxiki kalea, Puntapax kalea, Bordatxoko biribilgunea eta Oiardo Kiroldegia.
- Udarregi Ikastola, Bordatxoko errotonda, Bordaberri kalea, Aliproxeko biribilgunea, Kalezar, Puntapax kalea, Bordatxoko biribilgunea eta Oiardo Kiroldegia.
- 11:45 DBHko ikasleen ikuskizuna Kiroldegian. LHkoak ikasle moduan bertan izango dira.
- 15:30 LHko ikasleen “Gure esku ez dauden gauzak” ikuskizuna Kiroldegian.
Oharrak
- Udarregi Ikastolak, iaz bezala, eta emanaldi berean ziklo ezberdinetako ikasleen ikuskizunak bateratu beharrean, hirutan zatitu du hitzordua. Hartara, saio bakoitza jende gehiagok ikusteko aukera izango du. HH-koen jaialdiarekin hasiko dute eguna frontoian (euria bada Kiroldegian). LHkoak desfilatzera irtengo dira gero, eta segidan DBH-koen Kiroldegiko ikuskizunera joango dira. LH-koek emanaldi propioa eskainiko dute bazkalostean.
- Kiroldegirako sarbidea futbol zelai aldeko atetik izango da. Ikuskizuna baino 20 minutu lehenago irekiko da atea.
- Kiroldegiko ikuskizunerako ikasle bakoitzak sarrera bat izango du etxera eramateko. Horrez gain, Kiroldegiko sarreran txartelak banatuko dira emanaldia ikustera sartu nahi dutenentzat.Txartela ezinbestekoa izango da emanaldia ikusi ahal izateko.
Usurbil Eginez 