Martxoaren 8ko Emakumeen Eguna antolatzen jarraitzeko, otsailaren 11n “M8 egunero da” taldeak bilera irekia egingo du Potxoenean

2019ko martxoak 8 (Arg.: Noaua!)

Usurbilgo “M8 egunero da” taldea 2020ko martxoaren 8ko Emakumeen Egunerako ekimenak prestatzen murgildua dabil. Hirugarren bilera deia egin dute aste honetarako, otsailaren 11rako (asteartea). Bilera Potxoenean egingo da, 19:00etan eta  irekia da, edonork parte hartu dezake.

2019ko martxoaren 8a historikoa izan zen Euskal Herrian, 24 orduko grebara deitu zituzten emakumeak. Planto historikoa egin zuten herriko emakumeek. Emakumeen lanak gure gizartean duen eragina ikustarazteko eta lan hori aintzat hartu dadila eskatzeko deitu zuen grebara mugimendu feministak; emakumeen ekarpenik gabe, gizartea geratu egiten dela erakusteko. Euskal Herri osoan bezala, Usurbilen ere grebak jarraipen handia izan zuen. Usurbilgo emakume* talde batek egun osorako egitaraua antolatu zuen (+).