Otsailaren 6tik urriaren 17ra bitartean “Sagarrondotik sagardora 2020” ikastaro zikloa

Alkartasuna Usurbilgo Baserritarren Kooperatibak “Sagarrondotik sagardora 2020” ikastaro zikloa antolatu du otsailaren 6tik urriaren 17ra bitartean. Guztira hamaika saio izango dira eta denak Potxoenean egingo dira, 09:00etatik 13:00etara.

Izena emateko epea zabalik

Ikastaroan izena emateko epea zabalik dago. Saio guztietarako eman daiteke izena, edota  saio solteetarako ere.

Ikastaroen informazioa

• Ordutegia: 09:00-13:00.
• Lekua: Potxoenea.
• Ikastaro osoaren prezioa: 99€ (Alkartasuna Kooperatibako bazkideek doan).
• Egun solteetan izena emateko aukera zabalik. Horretarako, aurretik, Alkartasuna Kooperatibarekin harremanetan jarri behar da.
• Izen ematea: 943 361 114 edo alkartasuna@usurbil.com
• On line: alkartasuna.eus/euskara/produktuak/ikastaroak
• Oharra: Ikastaroen egunak adatuak izan daitezke, eguraldia edo irakaslearen eskakizunagatik. Kimaketa praktikak bertako sagastietan egingo dira.

Egutegia

• Otsailak 6, osteguna; 18:00etan: “Sagarrondoen eta sagar basatietatik sortutako landareen arteko desberdintasunak. Nola sortu landare osasuntsu bat”, Juan Gamiorekin.
  

• Otsailak 15, larunbata: “Sagastien neguko kimaketa, eta ongarriketa”, Aitor Etxeandiarekin.
• Martxoak 7, larunbata: “Fruitu arbolen udaberriko edo zotzeko txertaketa”, Josu Osarekin.
• Martxoak 21, larunbata: “Sagastien neguko kimaketa, gaixotasunak eta tratamenduak”, Aitor Etxeandiarekin.
• Apirilak 25, larunbata: “Ilargia eta egutegi biodinamikoa”, Xabier Akizurekin.
• Maiatzak 9, larunbata: “Garbitasuna sagardoaren kalitatearen lagun. Sagardoa egurrezko ontzietan. Sagardoaren historia bat, zer ikasteko?”, Egoitz Zapiain eta Jakoba Errekondorekin.
• Ekainak 6, larunbata: “Sagastien udako kimaketa, gaitzak eta izurriketak”, Aitor Etxeandiarekin.
• Uztailak 11, larunbata: “Fruitu arbolen udako edo begiko txertaketa”, Josu Osarekin.
• Irailak 5, larunbata: “Sagarraren heldutasun analisiak. Etxean sagardoa egiteko hastapenak”, Aitor Etxeandiar eta Egoitz Zapiainekin.
• Irailak 19, larunbata: “Etorkizuneko sagastiaren diseinua; biltzeko makinaria, barietatea, mentu-oinak, sagastien formatoak”, Aitor Etxeandiarekin.
• Urriak 17, larunbata: “Sagargintza eta sagardogintza ekologikoa. Betebehar tekniko-administratiboak.”, Enrique Dapenarekin (Eneek).