Urtarrilaren 27an Udarregi ikastolan 2020-2021 ikasturterako aurrematrikulatzeko epea zabalduko da

Urtarrilaren 27tik otsailaren 7ra, Udarregi ikastolan, 2020-2021 ikasturterako 3 eta 16 urte bitarteko ikasle berriak aurrematrikulatzeko epea zabalduko da.

Ate irekien eguna

Aurretik, urtarrilaren 25ean (larunbata), ate irekien eguna ospatuko du ikastolak, goizeko 10:30ean, eraikin berriko jangelan. Bertan, ikastolaren ezaugarriak eta funtzionamendua azalduko dira eta instalazioetan zehar ibilbidea egingo da, ikastola ezagutzeko asmoz.

ATE IREKIEN EGUNA

Udarregi ikastolaren eskaintza

Konpetentzietan oinarritutako hezkuntza integrala (0-16 urte bitarte).
Euskalduna. Euskaldun konprometituak hazten dira.
Irakaskuntza Eleanitza: ingelesa 4 urtetik aurrera eta frantsesa DBHn.
Ikastola inklusiboa, guztion ikastola bultzatzen da: aniztasuna, garapen erritmo ezberdinak aintzat hartuz.
Ikastola Berritzailea: Berrikuntza didaktiko, metodologiko eta teknologiko etengabeak.
KIVa ikastola: Eskola Jazarpenaren (bullyinga) aurkako programa indarrean.
Autobus zerbitzua: Lasarte-Oria, Zubieta, Santuenea eta Aginaga.
Jangela: Bertan sukaldatutako herriko produktuak
Goizeko zaintza: 08:00etatik 09:00etara eta iraila eta ekainean arratsaldeko zaintza ere: 14:30etik 16:30era.
Zirimara Aisialdi Proiektua eta eskolaz kanpoko jarduerak: Kirola, dantza, antzerkia, bertsolaritza, xakea, robotika,…
Beka sistema propioa: kuoten %100.

PROIEKTUAK

0-6 MARKO PEDAGOGIKOA: Ikastolen Elkarteak azken urtetako lanketaren ondorioz eta gaur egungo errealitatea aztertuz sortu duen Marko Pedagogiko berritzailea da. Konfiantzaren Pedagogiarekin bat egiten du. Konpetentzietan oinarrituta dago.
KONFIANTZAREN PEDAGOGIA: Haurra, pertsonaren oinarriak behar bezala eraikitzeko, erdigunean jartzen du. Bere garapenari behar duen erantzuna ematen dio, behar afektiboetan, jakin-minetan, harremanetan, autonomiaren garapenean, erritmoetan,… Norbere gaitasunak, ezaugarriak, erritmoak eta garapena aintzat hartzen dira.
IKASKUNTZA KOOPERATIBOA: Metodologia honek Ikasten Kooperatu eta Kooperatzen Ikastea du helburu. Ekintzan, lankidetzan eta talde lanean oinarritutako proiektua da.
HIZPRO: Euskararen sustapena eta erabilera bultzatzera bideratutako proiektua da. Euskararen eguna, hizkuntz errealitateko neurketak, gurasoen ikastaroak … bideratzen dira.
ELEANITZ: Euskaraz ardaztutako eleaniztasun proiektua. Hizkuntzen trataera integrala: ingelesa 4 urtetik aurrera, gaztelera LH 2. mailatik aurrera eta frantsesa DBHn aukerako gai gisa.
BLOK TAC: Konpetentzien lanketan oinarritutako proiektua da honakoa. Ikaslearen aurre- ezagutzak mobilizatuz, proiektu bat aurrera eramatea du helburu, testuinguru ezberdin batean.
EKI: Euskal Curriculumean, Konpetentzietan eta Integrazioaren Pedagogian oinarritutako proiektua. Irakaskuntzaren mundua hartzen ari den norabide berriari eusten dio. 0 -6 Marko Pedagogikoa eta Blok- Tac gisara, konpetentzien garapenari zuzenki lotutako proiektua dugu.
KIVA: Eskola jazarpenari aurre egin eta prebenitzeko proiektu Finlandiarra.
AGENDA 21: Ingurumenarekin lotura zuzena duten gaien lanketa bideratzen duen proiektua da. Udalaren Tokiko agenda 21 egitasmoari lotuta dago, eta udalarekin harremanetan bideratzen da.
ELKARBIZITZA ETA HEZKIDETZA: Ikastolako komunitatean baitan sortzen diren gatazken kudeaketa bideratzeko. Ikastolako balioen lanketarako eta elkarrekin bizitzen ikasi konpetentziaren garapenerako proiektua.

ZERBITZUAK

Garraioa:.auzoetatik ikasleak ikastolara joan-etorria egiteko zerbitzu erosoa.
Jangela: bertan sukaldatutako garaian garaiko janaria, herriko elikagaiak eta elikagai ekologikoak. Dieta orekatua eta osasuntsua.
Goizeko Zaintza: 08:00etatik 09:00etara. Iraila eta ekaineko arratsaldetan zaintza ere eskaintzen da 14:30etik 16:30era.
Eskolaz kanpoko jarduerak: kirolak, dantza, xake, antzerkigintza, robotika, bertsolaritza,…

Eta aurreko guztiaren euskarri gisa

52 urteko esperientzia Usurbilen.
Irakasleria egonkorra eta berrikuntza pedagogikoez arduratua.
Gestio demokratikoa: guraso eta langileen partaidetza zuzena arlo guztietan.
Erakunde irekia, anitza eta iritzi guztietara zabalik. Herri Onurako Kooperatiba.
Guraso Kooperatiba.
Kalitatezko Hezkuntza lortzen lagunduko digun Kalitate Kudeaketa Aurreraturako Sistemarekin konprometituta.

Matrikulazioa

Matrikulatzeko epea: Urtarrilaren 27tik otsailaren 7ra (biak barne).
Matrikulatzeko ordutegia: Aldez aurretik Ikastolara deituz, ordua adosteko (3 urtetik-16 urtera).
Matrikula gauzatzeko ekarri beharreko agiriak: Udaleko bizikidetza-ziurtagiria, haurraren NAN tamainako argazkia, familia-liburua, gurasoen NAN, gizarte asegurantzako txartela eta kontu korronte baten zenbakia (IBAN eta BIC kodeak).