Gaur arratsaldean Nagorek, Jonek, Alexek, Iñakik, Josuk eta Odeiek Kontxako Banderako sailkatze estropadetan parte hartuko dute

Gaur (abuztuak 29), 17:30etatik aurrera,  Kontxako Banderako sailkatze estropadak (emakumeak eta gizonak) jokatuko dira Donostian. Donostiako estropadak urtero egiten dira iraileko lehen bi igandetan Kontxako badian. Lehen igandearen aurreko ostegunean, Kantauri itsasoko ertz osoko traineruek –24 arte– lehiatzen dute denboraldiko estropada ospetsuenean parte hartzeko jokoan dauden zazpi plazetako bat eskuratzeko.

ETB1n eta eitb.eus-en zuzenean

Aurtengo Kontxako Banderako sailkatze estropadan herriko arraunlari bat baino gehiago lehiatuko dira arraun talde ezberdinetan. Lehenbizi emakumezkoak lehiatuko dira 17:30ean. Ordu erdi beranduago abiatuko da gizonezkoen taldeen sailkatze proba. 16:30etatik aurrera ETB1n eta eitb.eus-en zuzenean ikusteko aukera egongo da. Emakumezkoen estropadetan 20 talde lehiatuko dira eta gizonezkoetan 23 talde. Bietan zazpina ontzi baino ez dira sailkatuko gaur, donostiarrekin batera Kontxako Bandera jokatuko den bi jardunaldietarako.

herritarrak arraunean

Nagore Arruti (1984-10-14), Donostiarra taldean

Jon Agirrezabala (1977-04-05), Donostiarra taldean

Alex Udabe (1983-12-30), Hondarribia taldean

Iñaki Errasti (1979-02-12), Ondarroako taldean

Josu Ostolaza (1991-12-10), Orioko taldean

Odei Arrizabalaga (1989-03-10), Orioko taldean