Arg.: Monika del Valle/Foku
Berria egunkariko Aitor Manterola kazetariak, Iñaki Errasti aginagarra elkarrizketatu du. Ibilbide luzea du arraun munduan, aurretik Orion, (11 urte), Astilleron (2 urte), Arkote (urte 1) eta Kaikun (6 urte) ibilia baita. Azkeneko urteetan Ondarroako arraun taldean dabil arraunlari eta entrenatzailea moduan.Ostegunean (abuztuak 29) Kontxako Banderako sailkatze estropada jokatuko da eta Ondarroako taldeak bertan parte hartuko du. Kontxako Banderan 1996an aritu zen azkenekoz Ondarroa, eta iaz 2,66 segundogatik geratu zen kanpoan. Iñaki Errasti arraunlari eta entrenatzaileak konfiantza du urteko helburua beteko dutela bihar. Osteguneko estropadan arraunean arituko dela iragarri du.
Iñaki Errasti: “Aste berezian gaude. Urteko estropada eta gure helburu garrantzitsuena da, eta uste dut sasoi onean iritsi garela, lanak ondo egin ditugulako. Gogo handiarekin gaude, eta ea ez dugun zorte txarrik izaten, sailkatzeko aukerari eusteko”.
Elkarrizketa osoa: berria.eus
