Andatza Mendizaleen Kirol Taldeko gidaritza talde berria lanean hasi da. Taldeko kide berriek 2019ko ekintzen agenda osatzen dabiltza eta horretarako herritarrei dei egin diete proposamenak egiteko. Mendiarekin harremanetan dauden ekintza desberdinak antolatzearekin batera, elkartera jende berria gerturatzea nahi dute. Proposamenak andatza@hotmail.com helbidera bidali daitezke.
“Kaixo Andatzakide!! Dagoeneko prestatzen hasiak gara otsailean egingo ditugun bi irteerak, baina aurten ekintza berriak egiten hasi nahi dugu. Horregatik, zuen laguntza eske gatoz!! Zuen iritziak, proposamenak, nahiak… entzun nahi ditugu aurtengo egutegia osatzeko.
Aurten jende berria animatuko zaretelakoan gaude, jende berria nahi dugu. Geroz eta gehiago bagara, hobeto pasatuko dugu!! Iada iritsi zaizkigu proposamen oso tentagarri batzuk eta ahal bezain laster martxan jarriko ditugu.
Baina, seguru baduzuela mendiarekin zerikusia duen edozer ekintza egiteko gogoa. kontaiguzue eta guk aurrera eramaten lagunduko dizuegu!!! Idatzi beldurrik gabe andatza@hotmail.com helbidera!! Asko eskertuko ditugu!!”
Informazio gehiago: andatzamendizale.info
