Irailak 27ko egun honetan, Euskal Herriko herri askotan duela 43 urte frankismoak fusilatu zituen militante iraultzaileak gogoan izago dituzte. Jon Paredes Manot Txiki eta Anjel Otaegi Etxeberria ETAko kideak, gaur bezalako egun batean erail zituzten, eta baita Ramon Garcia Sanz, Jose Luis Sanchez Bravo eta Xoxe Humberto Baena FRAPeko militanteak ere. Euskal Herri osoa Sardanyola eta Burgosera begira egon zen amorruari eta penari eutsi ezinik. 1975ean izan zen hori, eta ordutik, urtero-urtero guztiak gogoan izaten dira.
Hainbat herritan deialdiak egin dira egun hura, “Gudari Eguna” bezala ezagutzen duguna, gogora ekartzeko. Usurbilen ere deia egin da. Gaur, 19:30ean ekitaldia egingo da Mikel Laboa plazan “…ta segi aurrera!” lemapean.
